وانت بتشتري كاوتش عربيتك في حاجات مهمة لازم تحطها فحسابك

وانت بتشتري كاوتش عربيتك في حاجات مهمة لازم تحطها فحسابك

1- الجو اللي هتسوق فيه برد ولا حر

2- السرعة الي بتسوق فيها العربية

3- تاريخ تصنيع الكاوتش

4- وزن العربية بتاعتك أد ايه

هنتكلم في كل حاجة بالتفصيل

الجو:

علي كل كاوتش عربية هتلاقي حرف من دول (A-B-C).. كل حرف عبارة عن تصنيف من قبل الشركات المصنعة، وكل حرف ليه جو مناسب ليه:

A:  كاوتش المناطق الحر جدا

B: كاوتش المناطق متوسطة الحرارة .

C:  كاوتش المناطق الباردة.

السرعة:

الشركات المصنعة للإطارات في العالم حددت لكل كاوتش أنه يتحمل سرعة قصوى، عشان كده ننصحك تختار الكاوتش صاحب أقصى سرعة.. طب تعرف منين سرعة الكاوتش :

L: 120 كم/س

N: 140 كم/س

P: 150 كم/س

Q: 160 كم/س

R: 170 كم/س

S: 180 كم/س

T: 190 كم/س

U: 200 كم/س

H: 210 كم/س

V: 240 كم/س

W: 270 كم/س

Y: 300 كم/س

تاريخ الإنتاج :

من المهم جداً أنك تختار إطار حديث الإنتاج عشان تتجنب خطر إنفجار الإطار, وتاريخ الانتاج بيكون مكتوب عادة على جنب 

دلالة الحمل:

الشركات المصنعة تصنع الإطار وتضع في الحسبان أن الإطار يتحمل حمل معين بعده ينهار, علشان كده من المهم أن تختار دلالة حمل مناسبة لسيارتك

بالنسبة لتحديد دلالة الحمل المناسبة لسيارتك فـ موجود في كتيب التشغيل الخاص بسيارتك وأيضاً يكتب غالباً على اللوحة الجانبية لباب السائق.وبالنسبة لدلالة الحمل تكتب على جانب الإطار وغالباً بجانب دلالة السرعة وهي تتكون من خانتين أو ثلاث وعموماً لكي تحافظ على إطارات سيارتك عليك بالتالي:

1-  معايرة الإطارات باستمرار وخاصة قبل السفر.

2-  تجنب الاصطدام بالأرصفة والمواد الصلبة.

3-  تجنب الفرملة المفاجئة والسرعة.

4-  تجنب زيادة الحمل عن النسبة المسموح بها.